Tamil christians இந்நாள் ரட்சிப்புக் கேற்ற நல் நாள்
பல்லவி
இந்நாள் ரட்சிப்புக் கேற்ற நல் நாள்
ஏற்ற நல் நாள் இ ஏற்ற நல் நாள்
அனுபல்லவி
சொன்னார் கிறிஸ்துனக்குக் கிருபையைச் சொரிந்து
பாடனு பவங்களை ஒழிப்போமோ? – யூத
சரணங்கள்
1. சந்தோஷந்தனைச் சொல்ல வந்தேன் – தேவ
சமாதான வார்த்தையைப் பெலனாகத் தந்தேன் – இந்நாள்
2. வாடித் திகைத்துப் புலம்பாதே – உன்தன்
மனதில் அவிசுவாசம் வைத்துக் கலங்காதே – இந்நாள்
3. உலகச் சிநேகம் வெகு கேடு – அதற்
குடந்தைப் படாமல் ஜீவ மார்க்கத்தைத்தேடு – இந்நாள்
4. இன்றுன் இரட்சகரிடம் திரும்பு – அவர்
இயற்றும் சம்பூரண ஜீவனை விரும்பு – இந்நாள்
5. இனிமேலாகட்டும் என் றெண்ணாதே – பவ
இச்சைக் குட்பட்டால் திரும்ப ஒண்ணாதே – இந்நாள்
6. கிறிஸ் தேசுவை உற்றுப்பாரு – அவர்
கிருபையாய்ச் சிந்தின ரத்தத்தைச் சேரு – இந்நாள்
7. பாவங்கள் அறச் சுத்திகரிப்பார் – உனைப்
பரிசுத்த வஸ்திரத்தால் அலங்கரிப்பார் – இந்நாள்
8. மகிமை நிறைந்த கிரீடஞ் சூடி – நித்திய
வாழ்வை அருள்வார் உனக்கின்பங் கொண்டாடி – இந்நாள்
9. ஏசுபெருமானை நீ நம்பு – அவர்
என்றென்றைக்கும் உனக் கிரட்சிப்பின் கொம்பு – இந்நாள்
